E tu, che si d'ogn'Erva la Reggina, perdona s'io de te non troppo canto, (o foglia) pecché tant'è sso gran spanto, che passe, e bince a la Rosamarina. Tu lieve da l'abbramma li Mangiune, tu l'Allancate satore, e le sbramme, li Poverielle lieve da la famme, ed inchie a tutte quante li voccune. |
Tu sazie sì, ma nu sfastidie maje, e sì bona co l'uoglio, e co la carne, e chi porrà li muode maje contarne, e comme chisto, o chille te mangiaje? Si bona strascinata a lo tiano; e scaudata co l'uoglio, e l'aglio fritto; e meglio posta tu, muove appetitto a no Pignato, ch'è Napolitano. |
Pagina inserita nel 2001 - Ultima modifica 27.03.2015 |